Главная arrow Статьи arrow Воинские молитвы: Молитва заключенного воина,Молитва св.мученика Евтропия воина, в ранах, страданиях
Воинские молитвы: Молитва заключенного воина,Молитва св.мученика Евтропия воина, в ранах, страданиях Печать E-mail
Долготерпеливо и многомилостиво Господи! Припадаю к Тебе, аз сый узник, моляся тепле: якоже сильный Сампсон позна свое безсилие, егда бе под стражею и обратися к Тебе, всесильному Богу, окованный путы железными; якоже нечестивый Манассия в пленении и темнице взыска Тебе, истиннаго Бога; якоже пленнии иудее паче на земли чуждей уразумеша Тебе, Бога отец своих; якоже блудный сын воспомяну отца своего, егда, отшед на страну далече, нача изгибати гладом: тако и аз отныне токмо познаю Тебе и прилежнее молю. Отчужден есмь аз ныне общения с человек: но Ты, еси взыскуяй отчужденных. Несть со мною зде ни отец, ни мать, ни брат, ни един от другов моих, да помогут ми, не услышит отсюда моего вопля никтоже от них: но Ты близ еси всем скорбящим и призывающим Тя во истине. О милосердый Боже! Аще аз и паче числа песка морскаго согреших пред Тобою, аще и несмь достоин воззрети на высоту небесную от множества грехов моих: но Ты, непамятозлобив сый, приими мя кающагося. Тебе единому согрешит, но и Тебе единому каюся, Всемилостиво Господи! прежде даже до конца не погибну, спаси мя.

Молитва св.мученика Евтропия воина, в ранах и страданиях

Боже Вседержителю, благий и милостивый, Помощниче во узах и Податель мужественнаго терпения в муках! Даждь нам терпение в ранах сих и прииди на помощь к нам, якоже к рабу Твоему мученику Феодору пришел еси и помогл ему, и всесильною Твоею помощью яви всем, яко мы воистину Тя единаго имамы Господа Спаса и Тебе Единому покланяемся, славяще Тя со Отцем и Святым Духом во веки. Аминь.

 
« Пред.   След. »