Главная arrow Статьи arrow Воинские молитвы: Молитва болящего воина ко Господу Спасителю, св.мученику Иоанну Воину
Воинские молитвы: Молитва болящего воина ко Господу Спасителю, св.мученику Иоанну Воину Печать E-mail
Врачу душ и телес! Во умилении сердца моего к Тебе припадаю, просяще исцеления. Вем, Господи, яко достойная приемлю по делом моим, зане преступих повеления Твоя. Обаче рекл еси: яко хотением не хощу смерти грешника, но еже обратитися и живу быти ему. Сего ради молю непамятозлобное человеколюбие Твое: не помяни грехов и беззаконий моих, о нихже сокрушаюся всем сердцем моим, и милостивно сотвори мя причастника Пречистаго Тела и Крове Твоея, да тако приуготован о надежде пребуду жизни вечныя. В сей же привременней жизни подаждь ми, Господи, исцеление от обдержащия мя немощи, уврачуй раны моя, укроти болезнь, угаси ог¬невицу и всяку страсть и немощь, во мне таящуюся, и скоро воздвигни от одра болезненнаго. Утеши скорбящия о мне родители и ближняя моя, пекущимся о мне воздаждь сторицею, купно со мною болящим зде поели ослабу и исцеление. Всем нам Врач и Утешитель буди, да в терпении стжавше души наша, вящшии обрящемся к служению Отечеству на пользу и Тебе, Спасителю нашему, во славу. Аминь.

Молитва св.мученику Иоанну Воину

О, мучениче Христов Иоанне Воине! Храбрый во бранех, и скорый заступник православных христиан в бедах и напастях их, по данной благодати от Бога! Буди нам поборник крепок на вся видимыя и невидимыя враги наша. Воинству нашему на враги победу даруй, да смирятся противящийся нам и вразумятся, и Бога истиннаго познают и святую Его Церковь Православную. Мы же, грешнии, да сподобимся прославляти Господа Спаса нашего во Царствии Его вкупе с тобою во веки. Аминь.

Портал о спортивном ушу таолу - Дом Золотого дракона
 
« Пред.   След. »